Wulften
Sunnschien
Dat Kartuffellied
De Sunne schient doch uwerall,
vurstaht sek, bloat an Doge.
Doch dat se be ösch an besten is,
is doch gor keine Froge.
Wue schient woll up er Welt
de leiwe Sunne sau helle,
we hööt se ja aok sau leiw,
up´m Barje, in Holte un up´m Felle.
Kucke use Holt un Barje an,
use Dann, Eicken un Beuken.
Ihr de saun Land wier süst,
moßt de lange, lange seuken.
Joa, use schöane Hoarzer Vurland
hölt Gold in sien Hän´n,
un wat oak ümmer ösch bedreppt,
de leiwe Gott werd et taun Bestn wen´n.
Arnold Hesse
Dat Kartuffellied
Kartuffeln sind better
arre Reube un Koahl,
se schmecket dehn Olen
un Jungen sehr woahl.
Kartuffeln, Kartuffeln
Wer ett’se nich gern,
de Groaten un Klein’n,
de Doamen un Herrn.
De Uurn
von Hessen Arnold
De Uurn flütt minn dur use Dörp,De Uurn
be Hoachwoater man se wiet hen ruschen höert.
Süst flütt se sachte un liese
orre is bedecket von Iese.
up der oaln Dörpsiete stoaht Kerken, Schüttenhus un Geschäfte,
up der nejen giebet de Sportlichen ühre Beste.
Bruien gaff et freuer drei,
an Doge, wue de Ami kamm, gingen se in de Knei.
Uppebouet wur`d bloat nich de Kleine,
ower bruket werd hüte bloat noch eine.
Doa kein Zug mähr foahrt uwer de Bimmelbruien,
werd se af un tau nutzet von Luien.
Noa`n Kriege wurd dat Flußbedde groade schuum
un Pappeln plantet von unn bet uum.
Manchet Feuer Kies un Sand
sind vurbruket von Muierkershand.
Aok von Weejenruutn uter Uurn
is sau manche Kartuffelkorf wuurn.
Unn hott wurn doa Pilleken un Göase,
wat würn de Ganten manichmoal sau böase.
Schoape groasten doa in groaten Troppe,
met witten un schwarten Koppe.
Seien konne man Räh un Hoase,
wenn se seck nich vurkkrüepen in Groase.
Aok sach man viele Fische in`re Uurn schwemm`,
un manch einre konne seck, oak vur Hunger, ein e klemm`.
Hüte werd jede Grimpe in hoagen Bugen
anre Neesen uten Woatere tugen.
Seit de Müll werd regelmäßig af`efoahrn,
is dat Flußbedde blänker alle vur Joahrn.
Doch sau manchet Fickeln bringet noch noa aolrer Masche,
in de Uurn Schutt un Asche.
Aok viele kleine Tiere giwt et de seien,
un sau is et an schönsten in greun Maien.
Dorümme is`t an Ranne unre Büschen un Bäom
en Spaziergeng wunreschöan.
De Natur dat ösch noch viele anres wiesen,
dorümmewüllt we aok de`n Schöpfer priesen.
D